د معمار پرس د خبر له مخې، د بښنې نړیوال سازمان مشرې اګنیس کالامار پرون (جمعه، د سرطان لومړۍ نېټه) وویل: د افغانستان په اړه د دوحې د ناستې ترسره کېدل د دغه هېواد د ښځو د استازو او مدني ټولنې له ګډون پرته د اعتبار وړ نه دي. کالامار ټینګار وکړ چې د افغان ښځو او نجونو حقونه د بحث وړ نه دي او دوی باید په راتلونکې غونډه کې ګډون وکړي. په دې وروستیو کې د طالبانو د سرپرست حکومت د بهرنیو چارو وزارت چارواکو اعلان وکړ چې د دوحې په غونډه کې به د خصوصي سکتور، مالیې، بانکدارۍ او د مخدره موادو پر مسلو تمرکز وش