د معمار پرس د خبر له مخې؛ اوچا په یوه بیان کې دا اعلان وکړ چی په افغانستان کې میلیونونه وګړي د اقتصادي بحران، د اقلیم د بدلون، د اوبو د کمښت، پرله پسې وچکالیو او وروستیو سیلابونو له امله د خوراکي توکو د نه خوندیتوب له جدي خطر سره مخ دي. دغه سازمان د تېرو دوو مياشتو له سېلابونو وروسته د خوراکي توکو د نه خونديتوب د زياتوالي په اړه هم اشاره وکړه چی په تېره بيا د هېواد په شمالي، شمال ختيځو او شمال لوېديځو ولايتونو کې د کروندګرو حاصلات سخت زيانمن کړي دي. اوچا د افغانستان له خلکو سره د مرستې او د بشري ناورین د مخنیوي لپاره د نړیوالې ټولنې د سمدستي اقدام غوښتنه وکړه.