د مکسیکو د ټاکنو کمیسیون د جون میاشتې په ۱۴مه نېټه د ټاکنو د رایو د پایلو پر بنسټ د دغه هېواد د ولسمشرې په توګه د کلاودیا شینباوم بریا تایید کړه. د رویټرز خبري اژانس د راپور له مخې، د ولسمشرۍ په ټاکنو کې د یوې میرمنې بریا د مکسیکو لپاره یو لوی ګام دی. هغه به په مکسیکو کې لومړنۍ ښځینه ولسمشره وي. شینباوم دمخه د 2018 څخه تر 2023 پورې د مکسیکو ښار د ښاروال په توګه دنده ترسره کړې. کلاډیا شینباوم به د میزان په لسمه خپله شپږ کلنه دوره پیل کړي.