د معمار پرس د خبر له مخې: د طالبانو د اقتصاد وزارت سرپرست دین محمد حنیف وویل: “زموږ تمرکز د کاري فرصتونو په رامینځته کولو دی ترڅو د ژوند شرایط ښه شي او د کورنۍ اقتصاد ملاتړ شي.” بايد يادونه وشي چې په افغانستان کې د طالبانو د حکومت له بيا جوړېدو سره يو زيات شمېر سوداګرو خپلې پيسې بهر ته لېږدولې. راپورونه ښیي چې له هېواد څخه د پیسو وتل د خلکو پر اقتصاد منفي اغېز کړی دی. له بلې خوا په بهرنیو بانکونو کې د افغانستان د ملیاردونو ډالرو پولي زیرمو کنګل کیدل او پر اوسني حکومت د بندیزونو لګېدل هم په هیواد کې د اقتصادي وضعیت د خرابیدو او د فقر او بیکارۍ د پراخیدو له نورو لاملونو څخه دي.