د معمار پرس د خبر له مخې، په کابل کې د جاپان سفیر تاکایوشي کورمایا د طالبانو د حکومت د کرنې او مالدارۍ له وزیر صدراعظم عثماني سره وکتل. د طالبانو د حکومت د کرنې، اوبولګولو او مالدارۍ وزارت په خبرپاڼه کې راغلي چې په دې کتنه کې د کرنې او مالدارۍ په برخه کې د جاپان د همکاریو پر پراختیا خبرې وشوې. جاپان لا دمخه د کرنې او کانونو په سکتورونو او افغانستان کې پانګونې ته چمتووالی ښودلی دی. که څه هم جاپان د طالبانو سرپرست حکومت په رسمیت نه دی پېژندلی، خو د هغو لسو هېوادونو په لېست کې دی، چې له کابل سره یې تر ټولو ډېر تعامل او همکاري کړې ده.