د معمار پرس د خبر له مخې؛ د ملګرو ملتونو امنیت شورا په افغانستان کې د یوناما د ماموریت په اړه یو پریکړه لیک د رایو په اتفاق تصویب کړ او د یو بل کال لپاره یې وغځول. د دغه سازمان د تیرې شپې په غونډه کې د امنیت شورا غړو د ۲۷۲۷ (۲۰۲۴) پریکړه لیک په تصویبولو سره په افغانستان کې د یوناما او د ملګرو ملتونو د نورو ادارو د شتون، مرستو او پروګرامونو پر دوام ټینګار وکړ. د دې پرېکړې پر بنسټ په افغانستان کې د ملګرو ملتونو د مرستندویه پلاوي – یوناما ماموریت د ۲۰۲۵ کال د مارچ تر ۱۷مې پورې وغځول شو.