د معمار پرس د خبر له مخې؛ نړیوال بانک دا اعلان وکړ تېر کال د افغانستان د اسعارو ارزښت د امریکايي ډالرو په مقابل کې ۲۷ سلنه د پام وړ لوړوالی تجربه کړ، چې د ملګرو ملتونو له لوري د شاوخوا ۱،۸ میلیارده ډالرو نغدو پیسو او شاوخوا ۲ میلیارده ډالرو د لېږد رالېږد راورسېدل. د دغه بانک د معلوماتو له مخې، د نرخونو دغه لوړوالى شاوخوا ٣،٥ ميليارده ډالره سوداګريز کسر جبرانوي، چې دغه کار د سيمه ييزو اسعارو په بازار کې د ډالر د بيې د لوړېدو لامل شوى او په دې توګه د افغانۍ ارزښت پياوړى شوى دى. پرون د کابل په شهزاده سرای کې یو امریکايي ډالر په ۷۰.۹۰ افغانیو پلورل کېده. د افغانیو د ارزښت د ثبات لپاره، طالبان کله ناکله بهرنۍ اسعار، په ځانګړې توګه ډالر، په بازار کې لیلام کوي.