د معمار پرس د راپور له مخې، د پاکستان یوې محکمې پخواني لومړي وزیر عمران خان او د بهرنیو چارو پخواني وزیر شاه محمود قریشي ته په ۱۰ کاله بند سزا واوروله چې د دولتي رازونو د افشا کولو په تور نیول شوي وو. د پاکستان په ملي مطبوعاتو کې د خپرو شویو خبرونو له مخې، قاضي ابوالحسنات ذوالقرنین د راولپنډۍ په اډیاله زندان کې عمران خان او قریشي ته په شفاهي ډول خبرداری ورکړی چې دوی د دولتي رازونو د افشا کولو په قضیه کې محکوم شوي دي.