د معمار پرس د خبر له مخې؛ په پاکستان کې د جیش العدل ډلې پر ضد د ایران د میزایلو او ډرون بریدونو او د دواړو هېوادونو تر منځ د کړکېچ د زیاتېدو وروسته، د ایران د بهرنیو چارو وزیر حسین امیرعبداللهیان له خپل پاکستاني سیال جلیل عباس جیلاني سره ټیلیفوني خبرې وکړې. د ایرنا د خبر له مخې د ایران د بهرنیو چارو وزیر د پاکستان امنیت د ایران د اسلامی جمهوریت امنیت وباله او څرګنده یې کړه چې د جیش العدل په نامه غورځنګ یوه ترهګره ډله ده چې د دواړو هیوادونو د ګډ امنیت خلاف عمل کوی. امیر عبداللهیان تاکید وکړ چې ایران د پاکستان د ملی حاکمیت او ځمکنۍ بشپړتیا درناوی کوی. هغه وویل: موږ د پاکستان له حاکمیت او ځمکنۍ بشپړتیا ته کلکه پاملرنه کوو.