د معمار پرس د خبر له مخې؛ په افغانستان کې د اروپايي ټولنې شارژدافیر رافایلا ایودیس د چهارشنبې په ورځ (د جدي ۲۷) په کابل کې د طالبانو د کورنیو چارو له سرپرست وزیر سراج الدین حقاني سره وکتل. د طالبانو د کورنیو چارو وزارت وايي، په دې کتنه کې دواړو لورو د هغې غونډې په اړه خبرې وکړې چې ټاکل شوې راتلونکې میاشت د قطر په پلازمېنه دوحه کې جوړه شي. دا غونډه به د افغانستان په مسله کې د ښکېلو هېوادونو ترمنځ جوړه شي. اروپايي ټولنې يا د افغانستان په مسايلو کې ښکېلو هېوادونو تر اوسه د دې غونډې په اړه څه نه دي ويلي.