د طالبانو د واکمنۍ پر مهال د ښار جوړونې او ځمکو وزارت سرپرست مولوي حمدالله نعماني د پنجشنبې په ورځ د عقرب په ۲۵مه په کاپیسا ولایت کې په یوه عامه غونډه کې وویل چې ځينې بهرني هېوادونه او بهرنۍ رسنۍ هڅه کوي چې افغانستان منزوي کړي. د طالبانو د ښارجوړولو او ځمکو وزارت سرپرست زیاته کړه: “خو اسلامي امارت به هیڅکله اجازه ورنکړي چې افغانستان منزوي شي.” هغه وويل، چې د طالبانو ټول مشران او چارواکي د خلکو د ستونزو د حل لپاره شپه او ورځ کار کوي او خلک بايد په بېلابېلو برخو کې د نظام تر څنګ ودرېږي او ملاتړ يې وکړي.