د معمار پرس د خبر له مخې؛ دا خبره په کراچۍ کې د افغانستان په کونسلګرۍ کې د طالبانو استازي عبدالجبار تخاري کړې ده چی د پاکستان موقت حکومت په څه کم دوو میاشتو کې ۴۰۰ زره افغان کډوال له هېواده شړلي دي. په ورته وخت کې په پاکستان کې افغان کډوال بندیان هم غوښتنه کوي چې د دوی وضعیت ته پام وشي. د رسنیو د راپورونو له مخې د پاکستاني پولیسو له خوا د افغان کډوالو د نیولو لړۍ دوام لري. په کراچۍ کې د افغانستان کونسل جنرال وايي، هڅې روانې دي چې د بندیانو ستونزه د خبرو اترو له لارې هواره شي او د هغوی خوشي شي.