د معمار پرس د خبر له مخې؛ د پاکستان د بهرنیو چارو د وزارت ویاند ویلي، هېواد به یې د افغان خبریالانو، هنرمندانو او مدني فعالانو په ګډون د یو شمېر ناقانونه افغان کډوالو دوسیو ته په لا حساسیت سره دوام ورکړي. تېره میاشت د پاکستان حکومت هغو مهاجرو ته چې د اوسیدو اسناد نه لري یوه میاشت وخت ورکړی چې له هیواده ووځي. د وخت په تېرېدو سره، پاکستان د دوی د نیولو او د جبري شړلو بهیر ګړندی کړ. په زرگونو افغانان په پاکستان کې غربي هیوادونو ته د انتقال په انتظار دي.