د طالبانو د ډلې اداري مرستیال مولوي عبدالسلام حنفي د طالبانو د یوه پلاوي په مشرۍ له پاکستانه د شړل شویو کډوالو د ستونزو د څېړلو په موخه تورخم ته تللی دی.
د معمار پرس د خبر له مخې؛ طالبانو نن چهارشنبه (د عقرب ۱۰مه) په خپله فیسبوک پاڼه کې د طالبانو د اداري مرستیال عبدالسلام حنفي له قوله لیکلي دي چی افغان کډوال د پاکستان د حکومت له خوا د ټولو دودونو، ښه ګاونډیتوب او انساني مینې خلاف په زوره ایستل کیږي. حنفي وویل چې طالبان تاسو ته د خپلو تاسیساتو په حدودو کې ښه اسانتیاوې او خدمات وړاندې کوي.