ازبک رسنیو د دغه هېواد د حکومت او طالبانو ترمنځ د یو میلیارد دوه سوه میلیونه ډالرو په ارزښت د سوداګریزو تړونونو د لاسلیکېدو خبر ورکړی دی.
د معمار پرس د خبر له مخې؛ د کننیوز خبري ویبپاڼې خبر ورکړی چې د سه شنبې په شپه (د عقرب ۹مه) دغه تړونونه کابل ته د ازبکستان د لومړي وزیر د مرستیال او د دغه هېواد د پانګونې او بهرنۍ سوداګرۍ د وزیر جمشید خواجهیوف په مشرۍ د یوه پلاوي د سفر په ترڅ کې لاسلیک شول. دغه تړونونه د کرنې، کیمیاوي محصولاتو، روغتیايي مصالحو، ټرانزیټ، ټوکر او صنایعو په برخو کې شوي دي.