د معمار پرس د خبر له مخې؛ د افغانستان د بهرنیو چارو وزارت سرپرست امیر خان متقي ترکیې ته د خپل سفر په ترڅ کې په استانبول کې له افغان دیپلوماتانو وغوښتل چې افغانانو ته لا ښه خدمات وړاندې کړي. د اسلامي امارت د ویاند مرستیال بلال کریمي وویل چی متقي په استانبول کې د افغانستان سفارت او قونسلګرۍ څخه لیدنه وکړه او هلته یې د وړاندې شویو خدمتونو ارزونه وکړه. په استانبول کې د افغانستان د قونسلګرۍ له ډيپلوماتانو او کارکوونکو سره په کتنه کې متقي په ترکيه کې مېشتو افغانانو ته له تبعيض پرته د غوره خدمتونو پر وړاندې کولو ټينګار وکړ.