د معمار پرس د خبر له مخې؛ د پاکستان د بلوچستان ایالت ویاند خان جان اڅکزي اعلان وکړ: که هغه افغان کډوال چې د اوسیدو قانوني اسناد نه لري د نومبر تر لومړۍ نیټې له پاکستانه ونه وځي، د قانون له مخې به ونیول شي او بندي شي. هغه زیاته کړه: د افغان اتباعو د یوه میاشتني وخت پای ته رسیدو ته یوازې یوه اونۍ پاتې ده او له دې وروسته به هغه کډوال چې د پاکستان له خوا “غیر قانوني” بلل کیږي ونیول شي او د قانون سره سم به ورسره چلند وشي.