افغانستان په چارو کې د روسیې استازی ضمیر کابلوف وايي، د تاجکستان چارواکي د نشه یي توکو له کاروبار سره د مبارزې په برخه کې د طالبانو هڅو ته د قناعت وړ نه دي.
د معمار پرس د خبر له مخې؛ دغه څرګندونې د افغانستان په چارو کې د روسیې استازي ضمیر کابلوف د چهارشنبې په ورځ د میزان ۱۲ مه په یوه خبري غونډه کې وکړې. هغه وویل چې د فارمت مسکو په غونډه کې ګډونوالو د داعش او نشه یي توکو پر وړاندې د مبارزې په برخه کې د طالبانو د اقدام هرکلی وکړ، خو تاجکستان پرې نیوکه وکړه.