د طالبانو ویاند ذبیح الله مجاهد اعلان وکړ د ۱۴۰۲ کال بودیجه چې د وزارتونو او ولایتونو لپاره ځانګړې شوې ده، ویشل کیږي. د طالبانو ویاند هم ټینګار کوي چې د سږني کال په بودیجه کې زیاتې پراختیايي پروژې په پام کې نیول شوي دي. مجاهد وويل، چې د ټولو وزارتونو لپاره کافي بودبجه په پام کې نيول شوې او د دې بوديجې ډېره برخه د هېواد په بېلابېلو ولايتونو کې په لويو پروژو، د اوبو بندونو او سړکونو په جوړولو کې لګول کېږي.