د معمار پرس د خبر له مخې؛ طالبانو په نیمروز ولایت کې د اوبو رسولو درې شبکې د نړیوالو مرستندویه موسسو په مالي مرسته فعالې کړې او ۶۰۰ کورنیو ته یې د څښاک اوبه برابرې کړې دي. په نیمروز کې د طالبانو د کلیو د پراختیا ریاست وايي، دغه شبکې د ۱۸۷ زره ډالرو په ارزښت د دغه ولایت په خاشرود او دلارام ولسوالیو کې جوړې شوې او څه باندې ۶۰۰ کورنیو ته د څښاک اوبه برابروي. دا پروژه د ناروې د کمیټې (NRC) لخوا د ملګرو ملتونو د OCHA/AHF د برخو په مالي مرسته پلي کیږي.