د طالبانو د بهرنیو چارو وزارت د عراق له زندانونو څخه د ۲۵ افغان بندیانو د خلاصون خبر ورکړ. د طالبانو د ډلې د بهرنیو چارو د وزارت د ویاند مرستیال حافظ ضیا احمد نن د میزان ۶مه وویل: ۲۵ افغانان چې د قانوني اسنادو د نشتوالي له امله د عراق جمهوري په زندانونو کې بندیان وو، د لازمو اسنادو له برابرولو وروسته بېرته هېواد ته راستانه شول. وسله والو طالبانو د دغو کسانو د نيولو د دقيق وخت په اړه څه نه دي ويلي.