د هوا پېژندنې ادارې اعلان کړی، چې د دغه هېواد په ۱۷ ولایتونو کې د سیلابونو او طوفانونو احتمال شته. د طالبانو تر کنټرول لاندې د هوا پېژندنې اداره وویل چې نن پنجشنبه او جمعه د میزان ۶مه او ۷مه په بدخشان، نورستان، کونړ، لغمان، کاپیسا، پروان، پنجشیر، بغلان، تخار، سمنګان، بامیان، لوګر، ننګرهار، کابل، میدان وردګو، پکتیا او خوست ولایتونو کې د سیلابونو او طوفانونو احتمال شته. د هوا پېژندنې د معلوماتو له مخې، د دغو ولايتونو په بېلابېلو سيمو کې د اورښت اندازه له ١٠ تر ٤٠ ملي مترو پورې اټکل شوې ده.