د معمار پرس د خبر له مخې؛ د ایراني رسنیو د راپور له مخې، په دې غونډه کې چې د سنبلې په ۲۸ مه نېټه د سه شنبې ماښام جوړه شوې وه، ابراهیم رئیسي او امام علي رحمان خبرې وکړې او په افغانستان کې د ترهګرو د شتون او فعالیتونو په اړه د اندېښنې په څرګندولو سره، له ترهګرۍ سره د مبارزې او په افغانستان کې د ثبات د ټینګښت په موخه د ګاونډیو هېوادونو د بهرنیو چارو وزیرانو د ګډې ناستې پر جوړېدو ټینګار وکړ. رئیسي او رحمان دا هم ویلي چې د سیمې د هېوادونو په مسایلو کې د بهرنیانو نه لاسوهنه «د دوامدار امنیت د رامنځته کولو لپاره اړینه ده».