د معمار پرس د خبر له مخې؛ د پاکستان د موقت حکومت د کورنیو چارو وزیر سرفراز احمد بوګټي د یک‌شنبې په ورځ د سنبلې په ۱۹مه په یوه خبري غونډه کې وویل چې د تحریک طالبان پاکستان جنګیالیو د افغانستان له خاورې څخه د پاکستان پر خاوره برید وکړ.

هغه وویل، طالبانو د دوحې په تړون کې ژمنه کړې چې د افغانستان خاوره به د بل هېواد پر ضد ونه کاریږي. خو د پاکستان د کورنیو چارو وزیر بوګټي ویلي، چې طالبان له خپلې ژمنې ماته کړي دي.

دا برید په داسې حال کې کېږي چې اسلام اباد پر طالبانو تور پورې کوي چې ترهګرې ډلې په ځانګړې توګه TTP ته پناه ورکوي.