د افغانستان د ازادو رسنيو د ملاتړ ادارې (NAI) اعلان وکړ، چې د اسد په ٢٢مه په کندهار کې د سرپرست حکومت ځواکونو درې خبريالان نيولي دي.
د معمار پرس د خبر له مخې؛ (NAI) د دوشنبې په ورځ (د اسد ۲۳) اعلان وکړ چې شمس الله عمري، وحید الرحمن افغانمل او عطاءالله عمر هغه درې خبریالان دي چې د سرپرستو حکومتي ځواکونو له خوا نیول شوي دي. له رسنیو څخه د ملاتړ دغه سازمان وايي، په افغانستان کې د سرپرست حکومت د ځواکونو له خوا د خبریالانو نیول زیات شوی او په تېرو دوو اونیو کې اته خبریالان نیول شوي دي.