د امریکا د راتلونکي کال ولسمشریزو ټاکنو ته د جمهوري غوښتونکو نوماندې نیکي هیلي د سیګار د راپور تر خپرېدو وروسته ویلي، چې افغان حکومت له افغانستان سره د مرستو په پیسو کې لاس لري، چې دوی ته د پیسو لېږل د جګړې قربانیانو ته ستر سپکاوی دی. نیکي هیلي طالبانو ته د پیسو په لیږلو سخته نیوکه وکړه او ویې ویل: “له افغانستان څخه د امریکا له ناورین وتلو دوه کاله وروسته، جوبایډن د امریکا د مالیه ورکونکو ډالرو ډنډونه د طالبانو تر کنټرول لاندې هیواد ته استوي.” نیکي هیلي «طالبان یو تروریستي رژیم» بللی او ویلي یې دي چې طالبانو ته د مرستو استول ناسم کار دی او زیاته کړې یې ده: «دغه ډله زموږ پوځیان ووژل او خپل خلک ځوروي.