د معمار پرس د خبر له مخې؛ د نړۍ د فوټسال ټیمونو د تازه درجه بندۍ له مخې د افغانستان د فوټسال ملي لوبډلې په نړیواله درجه بندۍ کې ۲۳ مقام او د اسیا په درجه بندۍ کې اووه ځای خپل کړی دی. د فوټسال نړیوالې درجه بندۍ رسمي ویب پاڼې (futsalworldranking) د سه شنبې په ورځ د اسد په ۳ مه د نړۍ د فوټسال لوبډلو وروستۍ درجه بندي اعلان کړه. د دغې نوې درجه بندۍ پر بنسټ، برازیل تر ټولو زیاتې پواینټونو سره لومړی او د پرتګال، هسپانیا، ارجنټاین، روسیې او ایران لوبډلې له دویم څخه تر شپږم مقام لری.