د سرپرست حکومت د بهرنیو چارو وزیر ادعا کړې، چې د نړۍ یو شمېر هېوادونو چې پخوا یې له دغې ډلې سره منفي تعامل غوښتل، اوس د مثبت تعامل پر لور روان دي.
د معمار پرس د خبر له مخې؛ د طالبانو د بهرنیو چارو وزارت د ویاند مرستیال حافظ ضیا احمد نن سه شنبه (د سرطان ۲۷مه) په خپله ټویټر پاڼه کې د متقي د وینا یوه برخه خپره کړه. متقي د دغه هېواد د بهرنيو چارو د وزارت د ديپلوماسۍ د انستيتوت د محصلينو د فراغت په مراسمو کې وويل: نړۍ په دې حقيقت پوه شوې چې افغانستان يو باثباته هېواد دى.