د افغانستان پخواني ولسمشر د افغانستان لپاره د ملګرو ملتونو له ځانګړي استازي سره وکتل. د افغانستان پخواني ولسمشر حامد کرزي د دوشنبې په ورځ (د سرطان په ۲۶مه) د افغانستان لپاره د ملګرو ملتونو له ځانګړې استازې روزا اوتونبایوا سره په کتنه کې د نجونو او ښځو لپاره د ښوونځیو او پوهنتونونو د بیا پرانستلو پر اړتیا ټینګار وکړ. په دغه ټویټ کې دا هم ویل شوي چې د افغانستان پخواني ولسمشر هیله څرګنده کړې چې نړیواله ټولنه به په افغانستان کې د نجونو او هلکانو د زده کړو په برخه کې خپلې هڅې زیاتې کړي.