د منځنۍ اسیا هېوادونو او د اروپا د شورا چارواکو په افغانستان کې د ټول شموله حکومت پر رامنځته کېدو او په دغه هېواد کې د بشري حقونو پر درناوي ټینګار کړی دی.
د معمار پرس د خبر له مخې؛ د منځنۍ اسيا د هېوادونو د مشرانو دويمه ناسته د قرغزستان په کوربه توب د منځنۍ اسيا د پنځو هېوادونو د مشرانو او د اروپايي شورا د رئيس چارلس ميشل په حضور کې د قرغزستان په چلپن آتاي کې جوړه شوه او په هغه کې د افغانستان د اندېښمنونکي وضعیت یادونه وشوه او له ترهګرۍ سره پر مبارزې، د یوه ټول شموله او هر اړخیز حکومت پر جوړولو او د دغه هېواد د اتباعو د حقونو او آزادیو په درناوي ټینګار وشو.