سږ کال د قدس ورځ له تېرو کلونو سره توپیر لري او ځانګړی اهمیت لري. دا ورځ په داسې حال کې راغله چې سیمه له برخلیک ټاکونکو پرمختګونو او بدلونونو سره مخ ده. د قدس ورځ په اسلامي نړۍ او نړۍ کې یوه مهمه ورځ او د مقاومت سمبول ګرځېدلی چې د نورو ادیانو د ازادۍ او عدالت غوښتونکو پام یې ځان ته اړولی دی. فلسطین او د اسرائیلي رژیم له خوا د هغه اشغال هغه مسله نه ده چې هېره یې نه شي، ترڅو د دې خاورې غاصبین په اسانۍ او بې پروایي خپلو ظلمونو ته دوام ورکړي. د دې دعوې شاهد د مقاومت د جبهې پراخول او پياوړي کول دي چې په زحمت او قربانۍ سره د اسرائيلو په سترګو کې د اغزي په وسيله د دوی له سترګو څخه خوب غلا کړی دی. یو وخت ډبرې او لمبې د فلسطینیانو یواځینۍ وسله وه او د دغه رژیم له وسله والو ځواکونو سره به یې په لوڅو لاسونو مقاومت کاوه. خو اوس اسلامي مقاومت په داخلي قوتونو او د مقاومت د محور په ملاتړ په تکیه کولو سره عصري او پرمختللې وسلې ترلاسه کړي دي. د اسرایلو اوسنی دښمن یوازې هغه کسان نه دي چې په غزه او لبنان کې اوسیږي، بلکې د نړۍ ټول ازاد خلک د دغه رژیم پر ضد دي. د اسرائیلو مبارزه هم د یوې متحدې جبهې د رامنځ ته کیدو له امله ده چې د دوی په شتون او واک ترلاسه کولو سره، خپل شتون د ویجاړیدو په حال کې وینی نو له همدې امله له نا امیدۍ او بې وسۍ څخه د ژوندي پاتې کیدو لپاره غیر رواجي او لیوني اقدامات کوي. د اسلامي امت او د نړۍ د آزادو خلکو ديني او انساني دنده ده چې د دغه ناروا حکومت په وړاندې ودريږي او د فلسطين د ولس د آزادولو لپاره په اسلامي نړۍ کې شته ټول توان په کار واچوي تر څو دغه شر او شیطان له سيمې څخه له منځه لاړ شي. او که دا هدف په جدي توګه تعقیب نه شي، د صهیونیسټانو فتنې به د مسلمانانو یووالی او امنیت له ګواښ سره مخ کړي. عربو دولتونو چې له اسرایلو سره یې د اړیکو د عادي کولو اراده درلوده د دغه رژیم د شومو پلانونو په پوهیدو سره یې په خپله پریکړه له سره غور وکړ. اسلامي او عربي هېوادونه دې نتيجې ته رسېدلي، چې ځانونه د استکبار او په ځانګړې توګه د اسراييلو په غېږ کې غورځول نه يوازې بې ګټې دي، بلکې دا د اسلامي ارشاداتو خلاف او د اسلام او انسانيت له دښمنانو سره دوستي ده. نو له همدې امله يې د اسلامي هېوادونو د يووالي لاره خپله کړې ده او دا هغه څه دي چې اسلامي امت او په رښتيني اسلام يې مؤمنان تعقيبوي او سعادت او اطاعت په همدې کې نغښتی دی. په هر حال د فلسطین او سیمې راتلونکی په ټول اسلامي امت مقاومت پوری تړلې دی او هغه مشعل دی چې د لوی خدای په فضل سره ورځ تر بلې روښانه کیږي او ډېر ژر به د اسلامي جغرافیې جلا شوې برخه د اسلام متحدې برخې ته ورګرځي اخري فتح به اسلامي نړۍ ته رسېږي.