یاد وزارت د یوې خبرپاڼې په خپرولو سره ويلي، چې د اوبو او انرژۍ وزارت، د افغانستان برېښنا شرکت او ملي تدارکاتو استازو یو ګډ پلاوی د سترو تړونونو د څېړنې پلاوي د پرېکړې پر بنسټ چې مشري یې د اوبو او انرژۍ وزارت د سرپرست ملا عبداللطیف منصور پر غاړه ده، دایکنډي ولایت ته د سوختوک بند د ستونزو د څېړلو په موخه سفر وکړ.

سرچینې زیاته کړې، چې یاد پلاوی به د خپلې څېړنې پایلې د یوه راپور په ترڅ کې د سترو تړونونو څېړنې پلاوي ته وړاندې کړي.