افغانستان ته د نړیوالې ټولنې له خوا د نغدي مرستو د لېږلو له بیا پیلېدو وروسته د کابل د شهزاده سرای د صرافانو اتحادیه وايي، دغه مرستې د افغانیو پر بازار مثبت اغېز کړی دی.
د معمار پرس د خبر له مخې، د دې اتحادیې ویاند حاجي عبدالرحمن زیرک (د جدي ۲۸مه) له یوې بهرنۍ رسنۍ سره په خبرو کې وویل: هغه نغدي مرستې چې افغانستان ته د بشردوستانه مرستو تر نامه لاندې رالېږل شوې د افغانانو پر ژوند يې مثبتې اغېزې کړې دي.