د معمار وحدت د خبری آژانس د خبر له مخې؛ العربیه نن دوشنبه د سنبلې ۷مه، د مکېنزي په حواله راپور ورکړی چې نوموړي تېر اوړي د امریکا ولسمشر جوبایډن ته خبرداری ورکړی و چې که امریکا له افغانستانه په بشپړه توګه ووځي افغان حکومت به سقوط وکړي.

د جنرال مکینزي په وینا، په افغانستان کې د افراطیت د خپریدو د مخنیوي لپاره د طالبانو له لفظي ډاډ سره سره، دغه هیواد د القاعدې او داعش په څیر د تروریستي سازمانونو لپاره په یوه خوندي ځای بدل شوی دی.

هغه زیاته کړه: “زما په اند، دا د امریکا په اوږدمهاله ګټو کې ده چې اجازه ورنکړي چې د افراطیت مرکزونه په افغانستان کې وده وکړي او پراخ شي. زه باور لرم چې د طالبانو د رژیم پر مهال به دا کار وشي.”

په همدې حال کې په کابل کې د امریکا د بې پیلوټه الوتکې له خوا د القاعده شبکې د مشر ایمن الظواهري وژل کېدو په افغانستان کې د ترهګرو د شتون د مخنیوي په اړه د طالبانو پر ادعا شک راپارولی دی.